ہاکی کے سابق پاکستانی اولمپئین زاہد شریف نے مالی مشکلات کے باعث بجلی کا بل بھرنے کیلئے اپنا گردہ بیچنے کا عندیہ دے دیا ہے۔

زاہد شریف نے صدرمملکت، وزیراعظم، آرمی چیف اور وزیرِ اعلیٰ پنجاب سے امداد کی اپیل کرتے ہوئے کہا کہ میں اس وقت معاشی مشکلات کا شکار ہوں، بجلی کا بل جمع کروانے کی بھی استطاعت نہیں ہے۔

زاہد شریف نے کہا کہ حکمران ساتھی ہاکی کھلاڑیوں اور کرکٹرز کی بھی مالی اعانت کریں۔

ان کا کہنا تھا کہ میرے پاس میڈلز کے علاوہ گردہ ہے جو میں فروخت کرنے کو تیار ہوں۔