مشہور بالی ووڈ اداکار وکی کوشل کی نئی آنے والی فلم بیڈ نیوز کا گانا ’توبہ توبہ‘ سوشل میڈیا پر وائرل ہو رہا ہے جس میں خاص طور پر اداکار کا ڈانس صارفین کی خاص توجہ کا مرکز بن رہا ہے۔
وہیں وکی کوشل کے اس گانے میں کیا جانے والا ڈانس اسٹیپ مشہور بھارتی تخلیق کار یووراج دعا کی جانب سے دہرایا گیا جس پر وکی کوشل بھی خاموش نہ رہ سکے۔
کترینہ کیف کے شوہر وکی کوشل کی جانب سے گانے کے اسٹیپ بڑی مہارت کے ساتھ اپنائے گئے مگر یووراج نے ان کے رقص کے اسٹائل کو روز مرہ کے کاموں سے جوڑ کر مزاحیہ انداز میں اپنایا۔
گروسری کی دکان پر جاکر یوراج دکاندار سے اسی ڈانس اسٹیپ کو کرتے ہوئے چیزیں مانگتے ہیں۔ اسی طرح مختلف جگہوں پر وہ توبہ توبہ کے گانے کے رقص کو کاپی کرتے دکھائی دیتے ہیں۔
بھارتی تخلیق کار کی ویڈیو اتنی وائرل ہوئی جو وکی کوشل تک جا پہنچی جس پر اداکار تبصرہ کیے بغیر نہ رہ سکے۔
اداکار وکی کوشل نے لکھا کہ تخلیق کار کی ویڈیو پر ہنستے ہوئے تبصرہ کرتے ہوئے لکھا کہ بھائی نے کریک کرل لیا! اب ایسے ہی 19 جولائی کو تھیٹر میں بھی پہنچ جانا۔
