بلوچستان کے ضلع دُکی میں جھالار کے علاقے سے مسلح افراد نے چار کسانوں کو اغوا کرلیا۔ ایف سی اور لیویز نے علاقے کو گھیرے میں لیکر اغواء کاروں کی تلاش شروع کردی ہے۔

لیویز ذرائع کے مطابق تحصیل تھل چوٹیالی کی یونین کونسل غربی تھل کے علاقے جھالار سے 18 سے 20 مسلح افراد نے کسانوں کو اغوا کیا اور جھالار پہاڑ کی طرف لے گئے ہیں۔

بلوچستان میں اغوا کیے گئے 2 مزدور 73 دن بعد گھر پہنچ گئے

ذرائع کے مطابق جن کسانوں کو اغوا کیا گیا وہ قبائلی رہنماء سردار اکبر خان ناصر کی زمینداری میں کام کرتے تھے۔ مغوی کسان بزگروں میں نثار، بائیس ، امو اور مولا شامل ہیں۔

خیبرپختونخوا میں چھٹی پر گھر جانے والے ایف سی کے تین اہلکار اغوا

واضع رہے کہ اس سے پہلے بھی متعدد بار مسلح افراد، دکی کی مختلف کوئلے کی کانوں سے مزدروں کو اغواء کرکے لے جاچکے ہیں۔