بھارتی بزنس ٹائیکون مکیش امبانی کے بیٹے اننت امبانی اور رادھیکا مرچنٹ 12 جولائی کو شادی کے بندھن میں بندھ جائیں گے۔
لیکن اس سے قبل اننت امبانی اور رادھیکا کی ہلدی کی تقریب منعقد ہوئی جس میں بالی ووڈ اداکاروں سمیت مختلف شخصیات نے شرکت کی۔
جسٹن بیبر کی اننت امبانی اور رادھیکا مرچنٹ کی سنگیت میں شاندار پرفارمنس
تقریب کی تصاویر سوشل میڈیا پر کافی وائرل ہوئیں جس میں بالی ووڈ اداکاروں کو ہلدی کے رنگ میں ڈوبے دیکھا گیا۔
بھارتی میڈیا رپورٹ کے مطابق اننت امبانی اور رادھیکا کی ہلدی کی رنگا رنگ تقریب نیتا مکیش امبانی کلچرل سینٹر میں منعقد ہوئی جس میں بالی ووڈ شخصیات نے شرکت کر کے تقریب کو چار چاند لگائے۔
وائرل تصاویر میں اننیا پانڈے، خوشی کپور، اوری، شنایا کپور کو سر سے پیر تک ہلدی کے رنگ میں رنگے دیکھا جا سکتا ہے۔
تقریب میں شرکت کرنے والوں میں سلمان خان، رنبیر کپور، رنویر سنگھ ،اننیا پانڈے، سارہ علی خان، دیشا پٹانی،عالیہ بھٹ، اور دیگر شامل ہوئے۔
