مقامی سطح پر تیل اور گیس کی پیداوار کے شعبے سے اچھی خبر آئی ہے، آئل اینڈ گیس ڈیویلپمنٹ کمپنی (او جی ڈی سی ایل) نے مقامی پیداوار بڑھانے کا اعلان کردیا ہے۔
او جی ڈی سی ایل کی جانب سے جاری بیان میں بتایا گیا کہ کنر کنواں نمبر 11 سے خام تیل کی پیداوار میں اضافہ کر دیا گیا ہے۔
ایک ہفتہ قبل بھی کمپنی نے ضلع کرک میں واقع نشپا کنواں نمبر4 سے گیس اور خام تیل کے ذخائر میں اضافے کا اعلان کیا تھاجہاں سے اضافی 330 بیرل یومیہ تیل حاصل کیا جا رہا ہے۔
500 یونٹ تک بجلی استعمال کرنے والوں کو سولر پینلز دینے کی منظوری
بیان میں بتایا گیا کہ کنر کنواں نمبر 11 سے 960 بیرل یومیہ تیل حاصل کیا جا رہا ہے، یہ کنواں صوبہ سندھ کے ضلع حیدرآباد میں واقع ہے۔
او جی ڈی سی ایل کا کہنا ہے کہ پیداوار سے امپورٹ بل میں 30.19 ملین ڈالر کی خاطر خواہ کمی ہوگی۔
