حکومت کی جانب سے بجلی کے صارفین کو پروٹیکٹو اور نان پروٹیکٹو ٹیرف لگانے کا اقدام لاہور ہائیکورٹ میں چیلنج کردیا گیا۔

بجلی کے ٹیرف سے متعلق درخواست جوڈیشل ایکٹوزم پینل کی جانب سے اظہر صدیق نے لاہور ہائیکورٹ میں دائر کی، جس میں وفاقی حکومت ،چیرمین نیپرا ،لیسکو سمیت دیگر کو فریق بنایا گیا ہے۔

درخواست گزار کے وکیل نے موقف اختیار کیا کہ حکومت نے بجلی کے 200 یونٹس استعمال کرنے والے صارفین پر پروٹیکٹو ٹیرف لگایا دیا ہے جبکہ 100 سے زائد یونٹس استعمال کرنے والے صارفین پر نان پروٹیکٹو ٹیرف لگایا گیا۔

500 یونٹ تک بجلی استعمال کرنے والوں کو سولر پینلز دینے کی منظوری

وکیل نے درخواست میں نکتہ اٹھایا کہ شہریوں پر پروٹیکٹو اور نان پروٹیکٹو ٹیرف کا بوجھ ڈال دیا گیا۔

درخواست گزار نے استدعا کی کہ عدالت وزارت توانائی کی جانب سے جاری نوٹیفکیشن کو واپس لینے کا حکم دے اور درخواست کے حتمی فیصلے تک نوٹفکیشن پر عمل درآمد روکا جائے۔