پاکستان ریلوے نے 22 مسافر ٹرینوں کو آوٹ سورس کرنے کا فیصلہ کرلیا، 22 مسافر ٹرینیں پبلک پرائیویٹ پارٹنرشپ کے تحت چلائی جائی گی۔
دستاویز کے مطابق آوٹ سورس کی جانی ولی مسافر ٹرینوں میں قراقرم ایکسپریس، گرین لائن ایکسپریس، ہزارہ ایکسپریس، کراچی ایکسپریس، شالیمار ایکسپریس شامل ہے۔
اس کے علاوہ کوئٹہ تا کراچی چلنے والی واحد مسافر ٹرین بولان میل کو بھی پبلک پرائیویٹ پارٹنرشپ کے تحت چلایا جائے گا۔
کراچی سے راولپنڈی کے درمیان ’’سمر ویکیشن اسپیشل ٹرین‘‘ چلانے کا اعلان
بڑی تعداد میں ٹرینوں کی نجکاری کا فیصلہ
ریلوے حکام کا کہنا ہے کہ مسافر ٹرینوں کو آؤٹ سورس کرنے کا مقصد مسافروں کو سہولیات فراہم کرنا ہے، مسافر ٹرینوں کی اوور سورسنگ کے لیے اشتہار بھی دے دیا گیا، خواہشمند افراد یکم اگست صبح 11 بجے تک درخواستیں دے سکیں گے۔
ریلوے حکام کے مطابق اے کیٹیگری کی ٹرینوں کی سیکیورٹی 5 ملین مقرر کی گئی ہے جبکہ بی کیٹیگری کی ٹرینوں کی سیکیورٹی 2 ملین مقرر کی گئی ہے۔
