کراچی اسٹیل ٹاؤن پولیس اور وائٹ کرولا گینگ کے درمیان فائرنگ کے واقعہ کے بعد ورثا نے مقدمہ اہلکاروں کے خلاف درج کرنے کا مطالبہ کردیا ہے۔
پولیس حکام کا کہنا ہے کہ تحقیقات میں کار سے فائرنگ کے وقت ایس ایچ او اسٹیل ٹاؤن کے موقع پر ہونے کے شواہد نہیں ملے ہیں۔
پولیس کا کہنا ہے کہ خاتون کے ورثا کی جانب سے ایس ایچ او پر مقدمے کا مطالبہ بلا جواز ہے۔
واقعے کے حوالے ایک اور عینی شاہد رکشہ ڈرائیور کا بیان بھی سامنے آیا ہے۔
عینی شاہد کے بیان کے مطابق کار سوار ملزمان کلاشنکوف سے فائرنگ کررہے تھے، ملزمان کے پاس جدید اسلحہ بھی موجود تھا۔
اعلیٰ پولیس حکام نے ایس ایس پی علی رضا کو واقعے کی انکوائری کا حکم دیا ہے، اور کہا ہے کہ ورثاء نے پولیس پر دباؤ ڈالنے کے لئے احتجاج کیا ہے، واقعہ کی تحقیقات کر کے ملزمان کو سامنے لایا جائے گا۔
