لاہور میں چار سالہ بچے کی تحویل کیلئے سابقہ شوہر کی فائرنگ سے زخمی ہونے والی خاتون اسپتال میں دم توڑ گئی۔۔ پولیس نے ملزم کو گرفتار کرلیا۔
پولیس کے مطابق متاثرہ خاتون آمنہ اسپتال میں دم توڑ گئی، خاتون کے جسم کے مختلف حصوں پر چار گولیاں لگی تھیں، ملزم علیحدگی کے بعد خاتون سے چار سالہ بیٹا واپس مانگتا تھا۔
پولیس کے مطبق خاتون پر فائرنگ کرنے والا سابق شوہر ساتھی سمیت گرفتار کرلیا گیا، ملزم عامر نے اپنے ساتھی عاطف کے ساتھ مل کر سابقہ بیوی پر گولیاں چلائیں۔
پولیس کے مطابق خاتون تشویشناک حالت میں سروسز اسپتال میں 4 روز تک زیرعلاج رہی۔
