بچوں کی صحت ایک ایسی شے ہے ، جس پر کوئی بھی والدین سمجھوتہ نہیں کرنا چاہیں گے۔ تقریبا تمام والدین اپنے بچوں کی صحت کے بارے میں فکر مند ہرہتے ہیں۔ اکثر والدین کو یہ شکایت ہوتی ہے کہ باوجود مناسب غذا دینے کہ ان کے بچے کا وزن اور قد نہیں بڑھتا ہے۔
عمر کی مناسبت سے بچے کی لمبائی اوروزن میں اضافہ نہ ہوتا دیکھ کروالدین کا تشویش میں مبتلا ہونا فطری عمل ہے۔
اس سے بچنے کے لیے آپ کو چاہیے کہ آج سےہی اپنے بچے کو کچھ ایسی غذائیں دینا شروع کر دیں، جو ان کی مجموعی صحت پر مثبت اثرات مرتب کرے۔ ہم آپ کو ایسی غذاوں کے بارے میں بتا رہے ہیں، جو آپ کے بچوں کو صحت مند بنائیں گی اور ساتھ ہی ان کے قد اور وزن میں بھی اضافہ ہوگا۔
چائے میں بسکٹ ڈبو ڈبو کر کھانے والےہوشیار ہو جائیں
پروٹین اور کیلشیم کا ایک بڑا ذریعہ دہی بڑوں کے ساتھ ساتھ بچوں کو بھی فائدہ دیتا ہے۔ کیلشیم بچوں کی نشونما کے لیے بہت ضروری ہے، جو وہ دہی سے باآسانی حاصل کر سکتے ہیں۔
بازار میں دستیاب دہی سے بہتر ہے کہ آپ گھر پرخود دہی تیار کریں دہی میں شکر اور گڑ ڈال کر بچوں کو کھلائیں۔
گھر پر تیار کیے گئے پوپ کارن بچوں کے لیے بہت مفید ہیں۔ اس میں پولی فینولز نامی اینٹی آکسی ڈیٹس پائے جاتے ہیں، جو خون کی گردش اور ہاضمے کی درستگی کا کام کرتے ہیں۔
ایک تحقیق کے مطابق جو بچے دودھ کا استعما ل باقاعدگی سے کرتے ہیں اور پنیر کھاتے ہیں ان کی ہڈیاں مضبوط ہوتی ہیں ۔ جس سے ان کا قد بھی بڑھتا ہے۔ باقاعدگی سے دودھ پینے سے بچے کا جسم مضبوط ہوتا ہے اور وہ توانا رہتا ہے۔
انڈوں میں ہائی پروٹین بکثرت پایا جاتا ہے، جو بچوں کے پٹھوں کی نشونما میں اہم کردار ادا کرتا ہے۔ انڈوں میں پروٹین کے ساتھ ساتھ وٹامنز اور معدنیات بھی پائے جاتے ہیں، انڈے کھانے سے ہڈیاں مضبوط ہوتی ہیں اور آنکھوں کی بینائی تیز ہوتی ہے۔
بچوں کی غذا ہر قسم کی سبزی شامل ہونی چاہیے۔ انہیں ہری سبزیاں کھانے کا عادی بنائیں۔ گوبھی، پالک جیسی سبزیاں کھانے سے بچوں کی ذہنی نشونما تیز ہوگی اوران کا قد بھی بڑھے گا۔
بچوں کو دال، مٹر، چنے کھلائیں، تاکہ انہیں آئرن، پروٹین اور فائبر ملے۔ انہیں کھانے سے بچے کے اندر دن بھر توانائی رہےگی اوراور اسے تھکن بھی محسوسس نہیں ہو گی۔
اس کے علاوہ بچے کو ہر قسم کے پھل وافر مقدار میں دیں۔ انہیں باقاعدگی سےمیوے، بادام ،اخروٹ کھلائیں۔ تاکہ ان کی نشونما صحیح طریقے سے ہو اور عمر کے حساب سے وزن اور قد میں بھی اضافہ ہو۔
