قومی کرکٹ ٹیم کے کھلاڑیوں کی گدے پر پریکٹس کی ویڈیو وائرل ہونے کے بعد سوشل میڈیا پر تنقید کے ساتھ مذاق بھی اڑایا جا رہا ہے۔
پاکستان کرکٹ ٹیم کے ٹی 20 ورلڈ کپ سے باہر ہونے کا غم ابھی تک تازہ تھا کہ اب شاہینوں کی غیر معیاری گراؤنڈ میں بستر کے گدوں پر گر کر کیچ پریکٹس کی ویڈیو وائرل ہوگئی۔
ٹی 20 ورلڈکپ میں پاکستان ٹیم کی ناکامی پر گیری کرسٹن نے خفیہ رپورٹ جمع کرادی
ویڈیو میں دیکھا جا سکتا ہے کہ گراؤنڈ میں گدے بچھا کر کھلاڑیوں کو ڈائیو لگاکر کیچ پکڑنے کی پریکٹس کرائی جارہی ہے جس پر خاصی تنقید بھی ہو رہی ہے۔
مذکوری پریکٹس سیشن نیشنل اسٹیڈیم کراچی کے پرفارمنس سینٹر گراؤنڈ پر ریڈ بال کرکٹرز کوچ مسرور کی نگرانی میں پریکٹس کر رہے ہیں۔
پریکٹس سیشن میں امام الحق، سرفراز احمد اور سعود شکیل سمیت 11 کرکٹرز شامل ہیں، کیمپ میں فیلڈنگ پر خاص توجہ دی جا رہی ہے جبکہ سلپ میں کیچنگ اور اونچے کیچز کی پریکٹس بھی کروائی جا رہی ہے۔
