ٹیسلا کمپنی کے مالک ایلون مسک نے چین سے تعلق رکھنے والی بچی کی پریشانی سن کر اسے جواب دے دیا۔

چینی بچی کی جانب سے ایلون مسک کو ٹیسلا کار میں موجود اسکرین کی خرابی کی شکایت کی گئی جس پر ان کا جواب سامنے آیا ہے۔

سوشل میڈیا پلیٹ فارم ایکس (ٹوئٹر) پر (DriveGreenLiveGreen) نامی اکاؤنٹ سے مولی نامی چینی بچی کی ویڈیو شئیر کی گئی جو اتنی وائرل ہوئی کہ ایلون مسک تک پہنچ گئی۔

مولی نے ویڈیو میں کہا ہیلو مسٹر مسک میں چین سے مولی ہوں۔ مجھے آپ کی گاڑی ٹیسلا سے متعلق ایک سوال پوچھنا ہے۔ جب میں اسکرین پر لکیر بناتی ہوں، تو وہ کبھی کبھار غائب ہوجاتی ہیں. کیا آپ نے بھی یہ مسئلہ دیکھا ہے؟ کیا آپ اسے ٹھیک کر سکتے ہیں؟ آپ کا شکریہ۔

جس پر ایلون مسک نے مولی کو جواب دیا (Sure) بالکل۔ ایلون مسک کی جانب سے چھوٹی بچی کو جواب دیے جانے پر سوشل میڈیا صارفین بھی حیران رہ گئے اور بچی کو خوس قسمت قرار دیا۔