غزہ کے طلبہ اب پاکستان میں تعلیم جاری رکھ سکیں گے۔ لندن میں پاکستانی ہائی کمشنر کی درخواست پرپاکستان میڈیکل اینڈ ڈینٹل کونسل (پی ایم ڈی سی) نے غزہ کے طلبہ کو پاکستان میں تعلیم جاری رکھنے کی اجازت دے دی۔

ترجمان پی ایم ڈی سی حنا کیانی نے بتایا کہ لندن میں پاکستانی ہائی کمشنر کی درخواست پر پی ایم ڈی سی کونسل نے غزہ کے طلبہ کو پاکستان میں تعلیم جاری رکھنے کا فیصلہ کیا ہے جس کے بعد غزہ کے طلباء کو پاکستان میں انسانی ہمدردی کی بنیاد پر میڈیکل اور ڈینٹل کی اپنی تعلیم جاری رکھنے کی اجازت دی گئی ہے۔

ان کہنا تھا کہ پاکستان میں 20 سے 30 پر مشتمل طلبہ کا وفد پاکستان میں تعلیم حاصل کرے گا اور مجموعی طور پر 100 کے قریب غزہ کے طلبہ پی ایم ڈی سی کے زیر اہتمام کالجوں اور جامعات میں تعلیم حاصل کریں گے۔

پی ایم ڈی سی کی جانب سے اس حوالے خصوصی کمیٹی کی تشکیل دے دی گئی جو ان طلباء کو معاونت فراہم کرے گی۔