لاہور میں مہندی کی تقریب کے دوران ہوائی فائرنگ سے لڑکی کے جاں بحق ہونے کے کیس میں ملزم تھانہ مناواں میں پیش ہوگیا۔ صابر فائرنگ کے بعد فرار ہوگیا تھا۔
ذرائع کے مطابق مناواں پولیس نے ملزمان کو فائدہ پہنچانے کے لیے تفتیش کا رخ تبدیل کردیا۔ فائرنگ کی زد میں آکر 16 سالہ عائشہ جاں بحق ہوگئی تھی۔
ذرائع کا کہنا ہے کہ تھانہ مناواں کی پولیس ملزمان کو پروٹوکول دے رہی ہے۔
رضوان گارڈن میں مہندی کی تقریب کے دوران دولھا اور اس کے دوستوں نے ہوائی فائرنگ کی تھی۔
گولی عائشہ نور کے سینے میں لگی تھی۔ اُسے اسپتال لے جایا گیا تاہم وہ جانبر نہ ہوسکی۔
عائشہ کے جاں بحق ہونے پر دولھا اور اس کے ساتھی فرار ہوگئے تھے۔ دولھا کے والد اور والدہ کو حراست میں لے کر تفتیش کی گئی تھی۔
