نجکاری کمیشن نے ایک سال کے اندر نجی شعبے کے ہاتھوں فروخت کرنے کے لیے سرکاری ملکیت کے 10 اداروں کا انتخاب کرلیا ہے۔
ان میں پی آئی اے اور ہاؤس بلڈنگ فائنانس کارپوریشن لمٹیڈ (ایچ بی ایف سی) بھی شامل ہیں جن کے سودے رواں مالی سال کی پہلی سہہ ماہی کے دوران طے پانے کا امکان ہے۔
نجکاری کمیشن کی جاری کردہ ٹائم لائن کے مطابق پی آئی اے کی نجکاری اگست 2024 میں ہوگی۔ ایچ بی ایف سی کی فروخت جولائی 2024 کے آخر تک مکمل کی جانی ہے۔
نیو یارک سٹی میں روزویلٹ ہوٹل اور فرسٹ ویمین بینک کی نجکاری بھی اب فیصلہ کن مراحل میں داخل ہوچکی ہے۔
جن 10 سرکاری اداروں کی نجکاری کا فیصلہ کیا گیا ہے ان میں زیڈ ٹی بی آئی، ایس ای ایل، آئیسکو، فیسکو اور جیپکو کو بھی شامل ہیں۔ مجموعی طور پر سرکاری ملکیت والے 24 اداروں کی نجکاری کی جانی ہے۔
نجکاری کمیشن نے جون 2024 میں پی آئی اے کے لیے 6 پارٹیوں سے بولیاں وصول کی تھیں۔ اب نکاری کے عمل کو حتمی شکل دی جارہی ہے۔ کمیشن اس وقت سرمایہ کاروں سے سیئر پرچیز ایگریمنٹ کی شرائط کو حتمی شکل دے رہا ہے۔
