اسلام آباد پولیس نے گیٹ پر کھڑی خاتون سے راستہ پوچھنے کے بہانے گھر میں گھس پر خاتون کے گلے سے چین کھینچ کر فرار ہونے والے ملزم کو گرفتار کرلیا۔

واضح رہے کہ 30 مئی کو ایک سی سی ٹی وی فوٹیج وائرل ہوئی جس میں دیکھا جا سکتا ہے کہ ملزم گیٹ پرکھڑی خاتون سے راستہ پوچھنے کے بہانے گھرکے سامنے رکا، خاتون پیچھے ہٹی تو وہ گیٹ کودھکا دیکر اندر گھسا اور خاتون کے گلے سے چین کھینچ کر فرار ہوگیا۔

اسلام آباد پولیس نے کہا ہے کہ ملزم کو گرفتار کرلیا گیا ہے اور اس سے مزید تفتیش جاری ہے۔