وزیر اعلیٰ پنجاب مریم نواز اور قائد ن لیگ نواز شریف کی زیر صدارت اہم اجلاس میں مری ڈویلپمنٹ پلان کی منظوری دیدی گئی۔ اجلاس میں مال روڈ پر مری کے قدرتی مناظر میں حائل ہائی رائز ہوٹل بلڈنگ ہٹانے اور ٹورسٹ گلاس ٹرین کے لئے انٹرنیشنل کنسلٹنٹ کی خدمات حاصل کرنے کا فیصلہ بھی کیا گیا۔

اجلاس میں جی پی او چوک سے ہوٹل متبادل مقام پر منتقل کرنے کی تجویز پر اتفاق ہوا۔ مال روڈ پر قدیمی عمارتوں کی یکساں صورت، سائن اور کلر اسکیم نافذ کرنے کی ہدایت کی گئی۔

اہم اجلاس میں راولپنڈی تا مری ٹورسٹ گلاس ٹرین پراجیکٹ کی تجویز پر بھی اتفاق کیا گیا۔ وزیراعلیٰ مریم نواز نے قدیمی نام بحال کرنے کے لئے فوری قانون سازی کی ہدایت کی۔ انھوں نے ہر شہر میں تاریخ اور روایات سے مناسبت سے یادگار لگانے کی ہدایت کی۔

قائد ن لیگ نواز شریف نے کہا کہ غریب آدمی کو تنگ نہ کیا جائے، حکومت اسٹال خود لگا کر دے۔

وزیراعلیٰ مریم نواز نے کہا مری شہر پہلے سے بہت بہتر ہو چکا ہے۔ عوام کے لئے بہترین بنائیں گے۔ مری میں پارکنگ یارڈ کے لئے مختلف تجاویز اور سفارشات کا بھی جائزہ لیا گیا۔

پنجاب اسمبلی: اپوزیشن کا ایوان کی کارروائی کے بائیکاٹ کے بعد گیٹ پر علامتی اجلاس

عمران خان کی رہائی سے کوئی خطرہ نہیں، چاہتے ہیں تو اسٹیبلشمنٹ سے مذاکرات کرلیں، وزیر دفاع

اجلاس کے دوران بریفنگ میں بتایا گیا کہ مری میں 13 ناجائز طور پر تعمیرات اور تجاوزات گرا دی گئیں ہیں۔