نوبل انعام یافتہ ملالہ یوسفزئی نے ایک بار پھر غزہ جنگ بندی کا مطالبہ کر دیا ہے، ملالہ یوسفزئی کی جانب سے سوشل میڈیا پر بیان جاری کیا گیا ہے۔
اس بیان میں ملالہ یوسفزئی کی جانب سے کہناتھا کہ غزہ میں چھ لاکھ سے زائد بچے اسکولز سے باہر ہیں۔
ملالہ کا مزید کہنا تھا کہ یہ ناقابل قبول ہے کہ غزہ کے معصوم بچے زندہ رہنے کی جدوجہد کررہے ہیں اور ان خوفناک حالات کا سامنا کررہے ہیں۔
ملالہ یوسفزئی کی جانب سے اپنے بیان میں کہنا تھا کہ مسلسل بمباری اور ڈر میں رہنا بچوں کی ذہنی اور جسمانی صحت پر تباہ کن اثرات ڈالتا ہے، پوری دنیا کو مل کر ایک ساتھ اس تشدد کو روکنے اور غزہ میں فوری جنگ بندی کا مطالبہ جاری رکھنا ہوگا۔
