خیبرپختونخوا اسمبلی میں اپوزیشن لیڈر ڈاکٹر عباد اللہ کا کہنا ہے کہ آپریشن عزم استحکام کے حوالے سے پاکستان تحریک انصاف کے رہنماؤں کے قول و فعل میں تضاد ہے، آپریشن پر پارلیمنٹ کو اعتماد لینے کی بات کرتے ہیں لیکن اسمبلی اجلاس نہیں بلاتے، وزیراعلیٰ خیبرپختونخوا اسلام آباد میں کچھ اور یہاں کچھ اور کہتے ہیں۔
آج نیوز سے بات چیت کرتے ہوئے مسلم لیگ (ن) کے رہنما ڈاکٹر عباد اللہ نے کہا کہ آپریشن عزم استحکام کے حوالے سے پاکستان تحریک انصاف کے قول و فعل میں تضاد ہے، آپریشن پر پارلیمنٹ کو اعتماد لینے کی بات کرتے ہیں لیکن اسمبلی اجلاس نہیں بلاتے ۔
ڈاکٹر عباد اللہ نے کہا کہ تمام ایشوز پر اسمبلی میں بات ہونی چاہیئے، اس وقت اجتماعی اتفاق رائے پیدا کرنے کی ضرورت ہے۔
ان کا مزید کہنا تھا کہ وزیراعلیٰ خیبرپختونخوا اسلام آباد میں کچھ اور یہاں کچھ اور کہتے ہیں، وزیراعلیٰ کو چاہییئے کہ بانی پی ٹی آئی عمران خان سے پہلے ملنا چاہیئے بعد میں نہیں۔
