سنی اتحاد کونسل کو مخصوص نشستیں نہ ملنے کیخلاف کیس میں اٹارنی جنرل نے سپریم کورٹ میں تحریری معروضات جمع کرا دیں۔
سپریم کورٹ سے استدعا کی گئی ہے کہ سنی اتحاد کونسل کی اپیل خارج کرکے پشاورہائیکورٹ کا فیصلہ برقرار رکھا جائے۔
اٹارنی جنرل کے مطابق جو سیاسی جماعت انتحابات میں حصہ لے اور کم از کم ایک سیٹ جیتے اسے مخصوص نشستیں مل سکتی ہیں، قانون کے مطابق مخصوص نشستوں کیلئے لسٹ فراہم کرنا ہوتی ہے۔
مخصوص نشستوں کا کیس: عمران خان بطور وزیراعظم بھی الیکشن کمیشن پر اثر انداز ہورہے تھے، چیف جسٹس
اس حوالے سے اٹارنی جنرل نے مؤقف اپنایا کہ سنی اتحاد کونسل نے نہ انتحابات میں حصہ لیا اور نہ مخصوص نشستوں کیلئے لسٹ جمع کرائی، مخصوص نشستیں اقلیتوں اور خواتین کیلئے رکھی گئی ہیں۔
