امریکی ریاست کیلیفورنیا کی ایک عدالت نے بھارتی نژاد ریڈیولوجسٹ دھرمیش پٹیل کو فیملی سمیت کار 330 فٹ کی اونچائی سے گرانے کے کیس میں ریلیف دینے کا فیصلہ کیا ہے۔ عدالت کا کہنا ہے کہ دھرمیش پٹیل شدید ڈپریشن کا شکار تھا۔ اس نے کار کو جان بوجھ یا قتل کے ارادے سے نہیں گرایا تھا۔

این بی سی کی رپورٹ کے مطابق دھرمیش نے 2 جنوری 2023 کو اپنی اہلیہ نیہا پٹیل اور دو بچوں سمیت کار بلندی سے گرادی تھی۔ اس حادثے میں چاروں بچ گئے تھے۔ این بی سی کے مطابق اسپتال میں نیہا نے پیرا میڈکس کو مبینہ طور پر بتایا تھا کہ اس کے شوہر نے سب کو مارنے کی کوشش کی تھی۔

بعد میں نیہا نے عدالت سے التجا کی کہ اس کے شوہر کو چھوڑ دیا جائے کیونکہ وہ شدید ڈپریشن کا مریض رہا ہے۔ عدالت نے نیہا کی اپیل منظور کرتے ہوئے دھرمیش کو بری کرنے کا فیصلہ کیا ہے اور ساتھ ہی اُس کے علاج کے حوالے سے بھی ہدایات جاری کرنے کی تیاری کی ہے۔