جون کا مہینہ چل رہا ہے اور گرمی کا موسم اپنے عروج پر ہے۔ آسمان سے آگ برس رہی ہے۔ پورا پاکستان شدید گرمی کی لپیٹ میں ہے۔
شدید گرمی سے لوگ پریشان ہیں۔ نہ دن کو سکون ہے نہ رات کو نیند، کہیں کہیں درجہ حرارت 45 ڈگری سے اوپر پہنچ گیا ہے اور ایسی صورتحال میں اے سی اور کولر بھی کام نہیں کر رہے۔ کچھ آسان اقدامات AC کی ٹھنڈک کو بڑھانے میں مدد کر سکتے ہیں۔ آئیے جانتے ہیں کہ اے سی کی کولنگ کو کس طرح آسانی سے بڑھایا جا سکتا ہے۔
ٹھنڈک میں اے سی کو بھی مات دینے والا ’باہو بلی‘ ائیرکولر مارکیٹ میں آگیا
کسی کمرے میں اے سی کی ٹھنڈک کو بہتر رکھنے کے لیے ضروری ہے کہ کمرے کے تمام دروازے اور کھڑکیاں بند رکھیں۔ جب گرم ہوا کسی بھی دروازے یا کھڑکی سے اندر آتی ہے تو درجہ حرارت کو کم رکھنا مشکل ہوتا ہے اور اے سی کی ٹھنڈک ٹھیک سے کام نہیں کرتی۔
اے سی فلٹر کو وقتاً فوقتاً صاف کرنے سے اے سی کی کولنگ کی صلاحیت برقرار رہتی ہے
گرمی کے موسم میں کمرے کی کھڑکیوں پر گہرے رنگ کے پردے لگائیں۔ اس سے کمرے میں درجہ حرارت کو کم رکھنے میں مدد ملے گی۔ اس کے ساتھ ضرورت نہ ہونے پر لائٹس بند کردیں یا مدھم لائٹس آن کریں۔ ان تدابیر کو اپنانے سے چلچلاتی گرمی سے نجات حاصل کرنے میں مدد ملے گی۔
