وزیر اعظم محمد شہباز شریف نے ایم کیو ایم پاکستان کے رکنِ قومی اسمبلی سید وسیم حسین کا مطالبہ تسلیم کرتے ہوئے حیدرآباد میں سانحہ پریٹ آباد کے متاثرین کی مالی امداد کی ہدایت کی ہے۔

سلنڈر دھماکے میں جاں بحق ہونے والے افراد کے پس ماندگان اور زخمیوں کے لیے معاوضے کی منظوری دے دی گئی ہے۔

وزیرِ اعظم کی طرف سے ملنے والی ہدایات سے متحدہ کے رکن اسمبلی سید وسیم اور چیئرمین نیشنل ڈزاسٹر مینیجمنٹ اتھارٹی کو بھی آگاہ کردیا گیا۔

واضح رہے کہ حق پرست رکن قومی اسمبلی سید وسیم نے وزیر اعظم کو خط میں توجہ دلائی تھی۔

حیدرآباد سلنڈر بلاسٹ حادثے میں 27 افراد جاں بحق ہوچکے ہیں جبکہ متعدد افراد اب بھی کراچی اور حیدرآباد کے اسپتالوں میں زیرِ علاج ہیں۔