لاہور کے علاقے باغبان پورہ کے نزدیک ایک مکان سے معمر میاں بیوی کی لاشیں برآمد ہوئیں۔ دونوں مکان کی بالائی منزل پر کمرے میں مردہ پائے گئے۔

پولیس نے بتایا کہ عبدالطیف اوراہلیہ بھتیجے کے ساتھ ایک ہی گھر میں سکونت پذیر تھے۔ لاشیں تین دن پرانی ہیں۔ دونوں کی عمر 70 سے 75 سال کے درمیان ہے۔

بھتیجے کے ساتھ یہ میاں بیوی اس مکان میں بارہ سال سے رہ رہے تھے۔ پولیس اور فرانزک ٹیموں نے تفتیش شروع کردی ہے۔ اس امر کی تحقیقات کی جارہی ہے کہ یہ واقعہ قتل کا کا تو نہیں۔