آپریشن عزم استحکام سے متعلق خیبر پختونخؤا حکومت تاحال کوئی حتمی فیصلہ نہیں کرسکی۔ کے پی حکومت کا موقف ہے کہ وزیرِ اعلیٰ علی امین گنڈاپور بانی پی ٹی آئی سے ملاقات کے بعد اس حوالے سے حتمی اعلان کریں گے۔

واضح رہے کہ گزشتہ روز خیبر پختوںخوا حکومت کے ترجمان بیرسٹر سیف نے بیان دیا کہ ملک میں دہشت گردی کا خاتمہ اور استحکام سب کی اولین ترجیح ہے۔ وفاقی حکومت کو آپریشن عزم استحکام کے طریق کار، مدت اور دیگر متعلقہ امور کی وضاحت کرنی چاہیے۔

بیرسٹر سیف کا یہ بھی کہنا تھا کہ اس اہم ترین معاملے پر سینیٹ اور تمام اسمبلیوں کے ارکان کو بھی اعتماد میں لینا لازم ہے کیونکہ دہشت گردی پورے ملک کا مسئلہ ہے۔

خیبر پختونخوا کے وزیرِ اعلیٰ علی امین گنڈاپور آج بانی پی ٹی آئی سے ملاقا ت میں مشاورت کے بعد اس حوالے سے صوبائی حکومت کے حتمی فیصلے کا اعلان کریں گے۔