سینیر کرکٹرز نے کہا ہے کہ ٹی ٹوئنٹی ورلڈ کپ کے سپر ایٹ مرحلے کے میچ میں آسٹریلیا کے خلاف افغانستان کی فتح کو اپ سیٹ قرار دینے سے گریز کیا جائے۔ اس فتح کو اپ سیٹ کہنا افغانستان کی توہین ہے کیونکہ اب یہ ٹیم اِتنی مضبوط ہے کہ کسی بھی ٹیم سے کسی بھی فارمیٹ میں ناکوں چنے چبواسکتی ہے۔
بھارت کے سابق اوپنر وسیم جعفر اور انگلینڈ کے سابق کرکٹر مائیکل وان کہتے ہیں کہ مین اسٹریم میڈی اور سوشل میڈیا میں افغانستان کی فتح کا قد گھٹایا جارہا ہے۔ افغانستان کی اس فتح پر کسی کو حیرت نہیں ہونی چاہیے۔
وسیم جعفر کا کہنا ہے کہ افغانستان کی فتح کو اپ سیٹ قرار دینے والے یاد رکھیں کہ یہ ٹیم اب کسی بھی وقت کچھ بھی کرسکتی ہے۔
افغانستان کو اس فتح پر خوب سراہا جارہا ہے۔ کہا جارہا ہے کہ اس نے گزشتہ برس آئی سی سی ایک روزہ کرکٹ ورلڈ کپ میں اپنی شرم ناک شکست کا بدلہ لے لیا۔
ٹی ٹوئنٹی ورلڈ کے سپر ایٹ مرحلے میں اب اس کا مقابلہ بنگلہ دیش سے 25 جون کو ہوگا۔ اس میچ میں افغانستان کی فتح کی صورت میں آسٹریلیا کے لیے مشکلات پیدا ہوجائیں گی۔ اور فیصلہ رن ریٹ کی بنیاد پر ہوگا۔
