حال ہی میں دوسری بار شادی کے بندھن میں بندھنے والے پاکستان شوبز انڈسٹری کے معروف اداکار فیروز خان نے اپنی اہلیہ کے پیشے سے متعلق انکشاف کر دیا۔
سوشل میڈیا پر اداکار کے پرستار یہ بات جاننے کے لیے بے تاب تھے کہ فیروز خان کی نئی دلہن کیا کرتی ہیں، جس پر اب اداکار نے ان کے بارے میں بتا دیا۔
اداکار فیروز خان نے جمعہ کے روز اپنے سوشل میڈیا ہیندل انسٹاگرام پر اپنی اہلیہ دعا کے ہمراہ تصویر پوسٹ کی تھی جسے مداحوں کی جانب سے بہت پسند کیا گیا۔
فیروز خان نے تصویر کے کیپشن میں جمعہ کے دن کی مبارک باد دیتے ہوئے لکھا بس صرف آپ ، آپ سب کو جمعہ کی بہت مبارک بعد اور آخر میں انہوں نے لکھا کہ ہمیشہ آپ سب کا فیروز خان۔
تصویر کے کیپشن میں اداکار نے اپنی اہلیہ کے نام کے ساتھ ڈاکٹر کا لفظ استعمال کیا،ہیش ٹیگ کے مطابق فیروز خان کی دوسری اہلیہ کا نام زینب ہے اور وہ پیشے کے لحاظ سے ماہرِ نفسیات (سائیکالوجسٹ) ہیں۔
واضح رہے اداکار فیروز خان رواں ماہ دعا کے ساتھ شادی کے بندھن میں بندھے۔
