پشاور پولیس نے بتایا ہے کہ تھانہ شرقی کے حدود میں چترال سے تعلق رکھنے والے مرد اور خاتون رکشے میں جارہے تھے کہ راستہ میں جھگڑا ہوگیا اور مرد نے پستول نکال کر پہلے خاتون کو گولی ماری اور پھر خود پر فائرنگ کردی۔
رکشہ ڈرائیور کے لیے یہ صورتِ حال بہت ہی مشکل تھی کیونکہ دونوں شدید زخمی تھے اور اس کے رکشے میں تھے۔ ڈرائیور نے ہوش و حواس برقرار رکھتے ہوئے دونوں کو اسپتال پہنچانے کا فیصلہ کیا۔
رکشہ ڈرائیور انہیں اسپتال لے جارہا تھا کہ دونوں نے راستے ہی میں دم توڑ دیا۔ پولیس نے بتایا کہ دونوں لاشیں پوسٹ مارٹم کے لیے اسپتال منتقل کردی گئی ہیں۔ اس حوالے سے شواہد جمع کیے جارہے ہیں۔
