فیصل آباد میں عید کے دوسرے دن گھر میں گیس خارج ہونے پر آتشزدگی سے جھلسنے والے مزید 2 افراد نے اسپتال میں دم توڑ دیا۔ جاں بحق ہونے والوں کی تعداد 6 ہوگئی ہے۔
اسپتال میں زیرِعلاج تین زخمیوں میں سے ایک اور کی حالت تاحال تشویش ناک بتائی جارہی ہے. ڈاکٹرز اُس کی جان بچانے کی سرتوڑ کوشش کر رہے ہیں۔
تھانہ بٹالہ کالونی کے محلہ شریف پورہ میں عید کے دوسرے دن گھر میں اے سی کی گیس خارج ہونے سے کمرے میں آگ لگ گئی تھی۔ 40 سالہ راشدہ اور 24 سالہ مکی رضا نے بھی دم توڑ دیا۔
فیصل آباد میں ہولناک آتشزدگی ، 3 بچے جاں بحق 2 شدید زخمی
جاں بحق ہونے والے دیگر چار افراد میں 32 سالہ نرگس، 9 سالہ طلحہ، 6 سالہ دعا فاطمہ اور 3 سالہ ابراہیم شامل ہیں۔
