کبیر والا نام نہاد غیرت کے نام پر بدبخت بیٹے نے ماں اور تین بہنوں کو گولیاں مار کر قتل کردیا ہے۔
تفصیلات کے مطابق لرزہ خیز واردات کبیر والا کے علاقے موضع اوکانوالہ میں پیش آئی ہے۔
جہاں ملزم نے اپنے ہی گھر کی خواتین کو قتل کر دیا ہے، ملزم عباس اپنی پینتالیس سالہ والدہ حسینہ بی بی، تین سگی بہنوں پچیس سالہ ثمینہ بی بی، بیس سالہ آمنہ بی بی اور اٹھارہ سالہ حلیمہ بی بی کو قتل کر کے فرار ہو گیا ہے۔
پولیس تھانہ صدر کبیر والا نے لاشوں کو پوسٹ مارٹم کے لیے تحصیل ہیڈکوارٹر اسپتال منتقل کردیا ہے۔
