صادق آباد میں سوشل میڈیا پر پوسٹ شیئر کرنے پر 2 برادریوں میں جھگڑا ہوگیا جبکہ ایک دوسرے پر فائرنگ سے 4 افراد زخمی ہوگئے۔
پولیس ترجمان کے مطابق صادق آباد کے نواحی علاقے جمالدین والی میں سوشل میڈیا پر ایک دوسرے کے خلاف پوسٹس شیئر کرنے پر ماچھی برادری اور درگڑا برادری میں جھگڑا ہوگیا، جس کے بعد علاقہ میدان جنگ بن گیا۔
شکارپور میں 2 گروپوں میں تصادم سے 5 افراد جاں بحق
دونوں برادریوں کے سینکڑوں افراد اسلحہ، ڈنڈے سوٹے لے کر آمنے سامنے آ گئے اور ایک دوسرے پر فائرنگ کردی۔
فائرنگ کے نتیجے میں 4 افراد زخمی ہو گئے، جنہیں پولیس نے قریبی اسپتال منتقل کردیا۔
دوسری جانب تھانہ بھونگ پولیس نے ملزمان کے خلاف مقدمہ درج کر کے 50 افراد گرفتار کرلیا۔
