آثارِ قدیمہ کے ماہرین نے پہلے امریکی صدر جارج واشنگٹن کے ماؤنٹ ورنن کے مکان سے شیشے کے 35 مرتبان دریافت کیے ہیں۔
یہ مرتبان اٹھارہویں صدی کے اواخر میں ریاست ہائے متحدہ امریکا کے قیام سے پہلے کے ہیں۔ ان میں پھلوں کا رس ہے۔ 29 مرتبان درست حالت میں ملے ہیں۔
جارج واشنگٹن 1789 سے 1797 تک امریکا کے صدر رہے تھے۔ انہیں ان کے مکان ہی میں سپردِ خاک کیا گیا تھا۔
ماؤنٹ ورنن کے صدر اور سی ای او ڈف بریڈہم نے ایک بیان میں کہا کہ ہم نے تو سوچا بھی نہیں تھا کہ جارج واشنگٹن کی جاگیر سے ہمیں یہ مرتبان بھی مل سکتے ہیں۔
دو ماہ قبل شیشے کی دو بوتلیں ملی تھیں جو 1751 سے 1778 کے دوران کسی وقت محفوظ کی گئی تھیں۔ ان بوتلوں میں ممکنہ طور پر چیری کا رس محفوظ کیا گیا تھا۔
تصویر میں چُھپا ڈونلڈ ٹرمپ کیلئے خاموش پیغام
جارج واشنگٹن کی جائیداد کی مرمت اور تزئین نو کے لیے چار کروڑ ڈالر کا پرائیویٹ فنڈ قائم کیا گیا ہے جسے مینشن ریوائٹلائزیشن پراجیکٹ کا نام دیا گیا ہے۔ دونوں بوتلیں اور یہ تمام مرتبان قومی خزانے کا حصہ ہوں گی اور اِنہیں آثارِ قدیمہ کے محکمے کے تحت محفوظ کیا جائے گا۔
