ہنگو میں نامعلوم ملزمان کی فائرنگ سے ایس ایچ او تھانہ سٹی نبی خان سمیت چار افراد زخمی ہوگئے۔

ڈی پی او ہنگو خالد خان کے مطابق پولیس نفری نے عمر آباد شاہو روڈ پر موٹر سائکل کو رکنے کا اشارہ کیا تو موٹر سائیکل سواروں نے فائرنگ کر دی۔

ان کا کہنا تھا کہ ملزمان کی فائرنگ سے زخمی ہونے والوں میں ایس ایچ او نبی خان، سپاہی یونس اور 2 راہگیر شامل ہیں۔ زخمیوں کو ڈی ایچ کیو اسپتال منتقل کیا گیا۔

انھوں نے بتایا کہ جوابی کارروائی میں ایک شخص کو زخمی حالت میں گرفتار کر لیا گیا ہے۔