چارسدہ میں 13 سالہ لڑکی کا 72 سالہ شخص سے نکاح ہورہا تھا کہ پولیس نے چھاپہ مار کر ضعیف دولہا، گاڑی کے ڈرائیور اور نکاح خواں کو گرفتار کرلیا، جب کہ دلہن کا والد فرار ہوگیا۔

72 سالہ حبیب اللہ کی شادی 13 سالہ لڑکی سے شادی کی تقریب میں پولیس نے لیڈیز پولیس کے ہمراہ کارروائی کی اور عروسی لباس میں ملبوس دلہن کو تحویل میں لے لیا۔

پولیس نے ضعیف دولہا، گاڑی کے ڈرائیور اور نکاح خواں کو گرفتار کرکے دولہا اور دلہن کے والد کے خلاف چائلڈ ایکٹ کے تحت مقدمہ درج کرلیا۔

کے پی حکومت کا چائلڈ میرج ایکٹ پر عملدرآمد کا فیصلہ

پولیس کی کارروائی کے دوران دلہن کا والد فرار ہوگیا۔ جس کے بعد بچی کو دارالامان منتقل کر دیا گیا۔

80 سالہ شخص کی 23 سالہ لڑکی سے شادی سوشل میڈیا پر وائرل

اس حوالے سے پولیس کا کہنا ہے کہ بچی کے والد نے شادی کے عوض 5 لاکھ روپے لیے تھے۔