کنگز ٹاؤن میں کھیلے گئے 27 ویں میچ میں نیدرلینڈز کی ٹیم 160 رنز کے تعاقب 20 اوورز میں 8 وکٹوں کے نقصان پر 139 رنزبنا کر ڈھیر ہو گئی۔
نیدرلینڈز کی جانب سے سائبرینڈ اینگل بریخٹ 35 رنز بنا کر نمایاں رہے۔ وکرمجیت سنگھ 26، کپتان اسکاٹ ایڈورڈز 25، مائیکل لیوِٹ 18، میکس او ڈوڈ 12، لوگن وین بِیک 2، ٹِم پرنگل 1 اور باس ڈی لیڈ 0 رن بنا کر آؤٹ ہوئے۔آریان دت 15 رنز بنا کر ناٹ آؤٹ پویلین لوٹے۔
بنگلادیش کی جانب سے رشاد حسین نے 3،تسکین احمد نے 2، مستفیظ الرحمان، تنظیم حسن ثاقب اور محمد اللہ نے 1، 1 وکٹ حاصل کی۔
نیدرلینڈز کی دعوت پر پہلے بیٹنگ کرتے ہوئے بنگلا دیش نےمقررہ 20 اوورز میں 5 وکٹوں کے نقصان پر 159 رنز اسکور کیے تھے۔
بنگلا دیش کی جانب سے شکیب الحسن 64 رنز نا قابلِ شکست بنا کر نمایاں رہے۔ تنزید حسن 35 اور محمود اللہ 25 رنز بنا کر پویلین لوٹے۔ توحید ہریدوئے 9، لٹن داس اور کپتان نجم الحسن شانتو 1، 1 رن بنا کر آؤٹ ہوئے۔ ذاکر علی 14 رنز بنا کر ناٹ آؤٹ پویلین لوٹ گئے تھے ۔
نیدرلینڈز کی جانب سے پال میکرین اور آریان دت نے 2، 2 جبکہ ٹِم پرنگل نے 1 کھلاڑی کو آؤٹ کیا تھا ۔
