اتوار کو امریکا میں نیویارک کے نساؤ کاؤنٹی انٹرنیشنل اسٹیڈیم میں ایک طرف جہاں دنیا کی نظریں میدان میں کھیلتے پاکستان اور بھارت کے کھلاڑیوں اور سنسنی خیز مقابلے پر تھیں تو دوسری جانب قومی ٹیم کی جیت کیلئے دعا کی خاطر جب آسمان کی جانب نظر اٹھائی گئی تو لوگ حیران رہ گئے، کیونکہ امریکا کے آسمان پر پاکستان تحریک انصاف (پی ٹی آئی) کے بانی عمران خان کا نام لہرا رہا تھا۔
ٹاس ہوئی تو بارش کے باعث پہلا اوور مکمل ہوتے ہی میچ روک دیا گیا جو 9 بجے دوبارہ شروع ہوا۔
جس کے بعد لوگ دعا کرنے لگے کہ میچ بلاتعطل جاری رہے، سنسنی خیز میچ جاری رہا اور شائقین محو ہوگئے۔
اس دوران اچانک ایک جہاز اڑتا ہوا گراؤنڈ کے اوپر سے گزرا، اور لوگ دیکھ کر حیران رہ گئے کہ اس کے پیچھے ”Release Imran Khan“ (عمران خان کو رہا کرو) کا بینر لہرا رہا تھا۔
سوشل میڈیا پر ویڈیو وائرل ہوئی تو عمران خان کے حامیوں نے خوب خوشی کا اظہار کیا۔
لیکن دیگر نے مختلف تبصرے کئے۔
رستم پاکستان کی اعظم خان کو 3 ماہ میں فٹ کرنےکی پیشکش
