پاکستان اور بھارت کے درمیان آئی سی سی ٹی 20 ورلڈ کپ کے ہائی وولٹیج ٹاکرے سے قبل قومی ٹیم کے لیے بری خبر ہے کہ آل راؤنڈر شاداب خان بھی انجری کا شکار ہوگئے، جس کے باعث ان کی بھارت کے خلاف میچ میں شرکت مشکوک ہوگئی۔
پاکستان اور بھارت کے درمیان ٹی 20 ورلڈکپ کا میچ آج نیویارک کے نساؤ کرکٹ اسٹیڈیم میں شام ساڑھے 7 بجے کھیلا جائے گا۔
ٹی 20 ورلڈ کپ کا ہائی وولٹیج ٹاکرا آج: بھارت کیخلاف پاکستان کی پلیئنگ الیون کیا ہوگی؟
اہم ترین میچ سے قبل بری خبر ہے کہ شاداب خان بھی ان فٹ ہوگئے، ذرائع کے مطابق شاداب خان پریکٹس سیشن کے دوران کمر درد میں مبتلا ہوگئے، جس کے باعث ان کی بھارت کے خلاف ہائی وولٹیج میچ میں شرکت مشکوک ہوگئی۔
ذرائع کا کہنا ہے کہ شاداب خان کی جگہ صائم ایوب کو شامل کرنے پر غور جاری ہے جبکہ امریکا کے خلاف صفر پر آؤٹ ہونے والے مڈل آرڈر بیٹر اعظم خان بھارت کے خلاف میچ سے آؤٹ ہوگئے جبکہ عماد وسیم کو اعظم خان کی جگہ ٹیم میں جگہ ملے گی۔
کیا ڈونلڈ ٹرمپ بھی پاک بھارت میچ دیکھنے آئیں گے؟
ذرائع کے مطابق بھارت کے خلاف پاکستان کے 11 کھلاڑیوں میں کپتان بابر اعظم، محمد رضوان، عثمان خان، فخر زمان، افتخار احمد، شاداب خان، عماد وسیم، شاہین آفریدی، حارث رؤف، محمد عامر اور نسیم شاہ شامل ہیں۔
