ایران کے دارالحکومت تہران میں افغانستان کے حالات اور اُن کے تناظر میں خطے کی مجموعی صورتِ حال کے حوالے سے ماسکو فارمیٹ کا چھٹا چار ملکی اجلاس ہو رہا ہے۔
اجلاس میں پاکستان، روس، چین اور ایران کے خصوصی نمائندگان برائے افغانستان شریک ہوں گے۔ اجلاس میں پاکستان کی نمائندگی آصف درانی کریں گے۔ روسی صدر کے نمائندے ضمیر کابلوف بھی اجلاس میں شرکت کے لیے تہران پہنچے ہیں۔
تہران میں تعینات پاکستانی سفیر مدثر ٹیپو افغانستان میں ترقی، ہم آہنگی اور دیگر امور سے متعلق ہونے والے اجلاس میں شریک ہوں گے۔
اجلاس کے شرکا قطر کے دارالحکومت دوحہ میں دوحہ فورم کے اگلے اجلاس سے متعلق مشاورت کے علاوہ جنوبی ایشیا اور وسطِ ایشیا میں امن و استحکام کے لیے اجتماعی کوششوں پر بھی تبادلہ خیال کریں گے۔
