لاہور ہائیکورٹ نے سموگ کیس کا گزشتہ سماعت کا تحریری آرڈر جاری کر دیا ہے، جس میں عید الاضحیٰ کے باعث مارکیٹ کے اوقات کار بڑھانے کی ہدایت کی گئی ہے۔

حکم نامے میں کہا گیا ہے کہ مارکیٹس پیر سے جمعرات رات 12 بجے جبکہ جمعہ سے اتوار رات 1 بجے تک کھلی رہ سکتی ہیں۔

حکم نامے میں کہا گیا کہ جوڈیشل کمیشن رپورٹ کے مطابق عدالتی احکامات سے واٹر لیول میں دیر سے کمی واقعہ ہو رہی ہے، لاہور میں اب ہر سال واٹر لیول محض 1.3 میٹر جبکہ 2017 میں 6.5 میٹر نیچے جا رہا تھا۔

حکم نامے مطابق باغ جناح میں تجاوزات کے باع، نہری کی بجائے زمینی پانی استعمال ہو رہا ہے، وکیل پنجاب حکومت انتظامیہ سے مل کر تجاوزات کے خاتمے کو یقینی بنائیں۔

حکم نامے میں کہا گیا ہے کہ پنجاب حکومت کی سموگ کے تدارک کیلئے اقدامات قابل تعریف ہیں۔