پاکستان کو ہرانے کے بعد امریکی کرکٹر رسٹی تھیرون نے فاسٹ باؤلر حارث رؤف پر بال ٹیمپرنگ کا الزام لگا دیا۔
امریکی کرکٹر رسٹی تھیرون نے ”ایکس“ پر کی گئی پوسٹ میں حارث رؤف پر بال ٹیمپرنگ کا الزام عائد کرتے ہوئے لکھا کہ میچ کے دوران حارث نے انگوٹھے کے ناخن کا استعمال کرتے ہوئے گیند کے ساتھ چھیڑ چھاڑ کرنے کی کوشش کی۔
پاک امریکا میچ میں دھونی کی خفیہ انداز میں انٹری، تصاویر وائرل
انہوں نے اپنی پوسٹ میں بین الاقوامی کرکٹ کونسل (آئی سی سی) کے ایکس ہینڈل کو ٹیگ کرتے ہوئے سوال کیا کہ کیا ایسا دکھانے کی کوشش کی جا رہی ہے کہ باؤلر نے نئی گیند کے ساتھ کوئی چھیڑ چھاڑ نہیں کی؟ تو گیند تبدیل ہونے کے محض دو اوورز بعد کیسے سوئنگ ہونے لگی؟
بابر اعظم سمیت قومی کرکٹرز کی ماہانہ تنخواہ کتنی؟
واضح رہے کہ 6 جون کو آئی سی سی ٹی ٹوئنٹی مینز کرکٹ ورلڈ کپ کے 11 ویں میچ میں میزبان امریکہ نے پاکستان کو سُپر اوور میں 5 رنز سے شکست دی تھی۔
امریکا نے سپر اوور میں پاکستان کو 19 رنز کا ہدف دیا تھا جس کے تعاقب میں قومی ٹیم ایک وکٹ پر 13 رنز بناسکی۔
