کراچی کے علاقے سخی حسن کے سرینا موبائل مال کے سیکیورٹی گارڈ کے ہاتھوں شہری کو قتل کرنے والے ملزم کا بیان سامنے آگیا۔ ملزم سیکورٹی گارڈ حماد گل نے آج نیوز کو بتایا، میرا سرچکراتا ہے، میں بیمار ہوں، علاج چل رہا ہے۔
گزشتہ روز سعد نامی نوجوان کو قتل کرنےو الے شہری کا بیان سامنے آگیا ملزم سیکیورٹی گارڈ نے آج نیوز سے گفتگو میں کہا کہ میرا سر چکراتا ہے، ٹانگیں کانپتی ہے، میں بیمار ہوں اور میرا علاج چل رہا ہے۔ میں کسی سے جھگڑا نہیں کرتا ہوں ، مجھے پتہ نہیں کیسے ہوگیا۔
ملزم حماد گل نے بتایا کہ خیبر ایجنسی کا رہنے والا ہوں، چھوٹا تھا جب کراچی آیا تھا، تین مہینے سے شاہ سیکیورٹی کمپنی میں ملازمت کررہا تھا، مجھ سے غلطی ہوگئی، مجھے نہیں معلوم گولی کیسے چلی۔
دوسری جانب سیکیورٹی گارڈ کی فائرنگ سے جاں بحق ہونے والے 35 سالہ سعد احمد کی نمازہ جنازہ ادا کر دی گئی۔
سعد کی نماز جنازہ جامعہ مسجد دارالسلام بفر زون میں ادا کی گئی۔ نماز جنازہ میں ایم۔کیوایم کے ارکان سندھ اسمبلی جمال احمد ، ریحان اکرم اور عبدالوسیم نے بھی شرکت کی۔
مقتول سعد گزشتہ روز وی لاگ بناتے ہوئے سیکیورٹی گارڈ کی گولی کا نشانہ بن گیا تھا۔
