پنجاب میں پاکستان پیپلز پارٹی کا مستقبل بلاول بھٹو رواں ہفتے لاہور میں ڈیرے ڈالیں گے ، لاہور کی قیادت نے چیئرمین بلاول بھٹو زرداری کے اہم دورے کی تیاریاں مکمل کر لی۔
ذرائع کے مطابق اراکین اسمبلی اور پنجاب کے رہنماوں سے پنجاب کی سیاسی صورتحال پر مشاورت کی جائے گی۔
بلاول بھٹو زرداری بجٹ کے بعد پیپلز پارٹی کی پنجاب کابینہ میں شمولیت کے حوالے سے بھی رہنماؤں اور ارکین اسمبلی سے مشاورت کریں گے، پیپلز پارٹی کی پنجاب میں سیاست کو جدید دور کے تقاضوں سے ہم آہنگ کرنے کی حکمت عملی پر غور ہوگا۔
چیئرمین پی پی پی پنجاب کے رہنماوں سے بھی ملاقاتیں کریں گے پیپلز پارٹی پنجاب کے صدر راجہ پرویز اشرف کمیٹی ممبران کے ہمراہ تنظیم نو کے حوالے سے اب تک کی پیش رفت پر بلاول بھٹو کو بریفنگ دیں گے۔
