وفاقی وزیرداخلہ کے نوٹس پر اسلام آباد پولیس نے بروقت ایکشن لیتے ہوئے سیکٹر ایف ایٹ سے سعودی شہریوں سے موبائل فون چھینے والا ایک ملزم پکڑ لیا ۔
ملزم نے اسلام آباد میں تھانہ مارگلہ کی حدود میں 2 سعودی سفارتکاروں کے ساتھ واردات کی تھی ، ملزمان نے اسلحے کی نوک پر 2 آئی فون لیکر فرار ہوگئے تھے۔
وفاقی وزیرداخلہ کے نوٹس پر اسلام آباد پولیس نے12 گھنٹوں میں ملزم کو گرفتار کرلیا، ملزم کو گرفتار کرکے دونوں موبائل فون برآمد کرلئے۔
گرفتار ملزم سے مزید تفتیش جاری ہے جبکہ دیگر ملزمان کی گرفتاری کے لئے چھاپے بھی مارے جا رہے ہیں ۔
