پاکستان تحریک انصاف (پی ٹی آئی) کے سینئر رہنما میاں محمود الرشید کی کوٹ لکھپت جیل میں طبیعت خراب ہوگئی، جس کے بعد انہیں اسپتال منتقل کردیا گیا۔

محمودالرشید کو طبعیت ناساز ہونے پر جیل سے سروسز اسپتال منتقل کیا گیا۔

سرجیکل ایمرجنسی کے ڈاکٹرز نے محمود الرشید کا طبی معائنہ کیا۔ ڈاکٹرز کا کہنا ہےکہ محمود الرشید کو اپنڈکس کے درد کی شکایت ہے اور آج اپنڈکس کی سرجری کی جائے گی۔

ڈاکٹرز کے مطابق پی ٹی آئی رہنما ایک سے دو روز تک سروسز اسپتال میں رہیں گے۔