راولپنڈی کے علاقے کوٹلی ستیاں میں تیز رفتاری کے باعث پولیس وین گہری کھائی میں جا گری جس کے نتیجے میں ڈپٹی سپرنٹنڈنٹ پولیس (ڈی ایس پی) سمیت 4 اہلکار زخمی ہو گئے۔
پنجاب پولیس نے بتایا کہ ڈی ایس پی کوٹلی ستیاں سرکاری گاڑی میں کام سے جا رہے تھے کہ گھنوئیاں موڑ کے قریب تیز رفتاری کے باعث گاڑی گہری کھائی میں گرگئی۔
ہائی ایس گاڑی گہری کھائی میں گرنے سے 6 افراد جان کی بازی ہار گئے
رپورٹ کے مطابق حادثے کے نتیجے میں ڈی ایس پی سمیت 4 اہلکار زخمی ہو گئے، زخمیوں کو طبی امداد کی فراہمی کے لیے تحصیل اسپتال کوٹلی ستیاں منتقل کردیا گیا جبکہ زخمی اہلکاروں کی حالت خطرے سے باہر ہے۔
اطلاعات کے مطابق حادثہ موڑ کاٹتے ہوئے پیش آیا، سرکاری وین میں ایس ڈی پی او کوٹلی ستیاں، ڈرائیور، گن مین اور آپریٹر سوار تھے ۔
دیربالا میں گاڑی کھائی میں گرنے سے خاتون سمیت 2 افراد جاں بحق
پولیس کے مطابق گاڑی کو نکالنے کے لیے کرین بلائی گئی، کھائی میں گری گاڑی کو ریسکیو اہلکاروں نے آپریشن کے بعد باہر نکالیا۔
