سندھ کے سابق قائدِ حزبِ اختلاف حلیم عادل شیخ نے کہا ہے کہ حیدرآباد میں سلنڈر پھٹتے ہیں، کھا کھاکر سندھ حکومت کے پیٹ نہیں پھٹتے۔

حیدرآباد میں میڈیا سے گفتگو کرتے ہوئے حلیم عادل شیخ نے کہا کہ عوام کے مقدر میں کیا اب صرف موت رہ گئی ہے۔ حیدرآباد کے سانحے کی ذمہ دار سندھ حکومت ہے۔

ایک سوال پر حلیم عادل شیخ نے کہا کہ سندھ کے وزیرِ اعلیٰ اسپتال آتے ہیں اور فوٹو سیشن کرواکے واپس چلے جاتے ہیں۔

سندھ اسمبلی میں سابق قائدِ حزبِ اختلاف کا کہنا تھا کہ حیدر آباد کے میئر شہر سے دشمنی کر رہے ہیں۔