فیس بک نے بنگلادیش کی حکمران جماعت عوامی لیگ کے متعدد اکاؤنٹس کو ختم کر دیا ہے۔
میٹا کا کہنا ہے کہ عوامی لیگ کے متعدد اکاؤنٹس اور پیج فیس بک سے ہٹا دیے گئے ہیں۔کاؤنٹس، پیجز کو مربوط غیر مستند رویے بشمول اپوزیشن پر تنقید کے باعث ہٹایا گیا۔
غیر ملکی خبر رساں ایجنسی کے مطابق میٹا نے پالیسی کی خلاف ورزی پر عوامی لیگ کے 50 اکاؤنٹس، 98 پیجز کو ہٹایا ہے۔
واضح رہے کہ بنگلادیش میں جنوری میں ہونے والے انتخابات میں عوامی لیگ اتحاد نے فتح حاصل کی تھی، انتخابات جیتنے کے بعد بنگلادیشی وزیراعظم حسینہ واجد نے چوتھی بار وزارت عظمیٰ کا عہدہ سنبھالا ہے۔ جبکہ بنگلادیش کے عام انتخابات کا اپوزیشن نے بائیکاٹ کیا تھا۔
