کھیلوں کے میدان سے اچھی خبر ہے کہ پاک آسٹریلیا والی بال سیریز میں پاکستان نے آسٹریلیا کو تیسرے میچ میں شکست دے کر وائٹ واش کردیا۔
پاکستان نے سیریز کے تیسرے اور آخری میچ میں آسٹریلیا کو 0-3 سیٹ سے شکست دے کر سیریز اپنے نام کرلی۔
گینگروز گرین شرٹس کی فتوحات کا سلسلہ روکنے میں ناکام رہے، قوم والی بال ٹیم نے تیسرا میچ 24-26، 20-25، 20-25پوائنٹس سے جیتا۔
پاکستان نے پہلے اور دوسرے میچ میں بھی آسٹریلیا کو0-3سیٹ سے شکست دی تھی۔
سیریز کے اختتام پر منعقدہ تقریب کے مہمان خصوصی اور وزیراعظم یوتھ پروگروام کے چیئرمین رانا مشہود نے انعامات تقسیم کیے۔
