راولپنڈی کی مویشی منڈی بھاٹہ چوک 10 کروڑ 99 لاکھ میں نیلام کر دی گئی۔
راولپنڈی کینٹ بورڈ کی جانب سے جاری اعلامیے کے مطابق بولی کنٹونمنٹ بورڈ راولپنڈی کے ڈائریکٹر کی موجودگی میں کنٹونمنٹ بورڈ آفس صدر آر ڈبلیو پی میں ہوئی۔
کراچی میں قربانی کا جانور گجر نالے میں گر گیا
نیلامی میں 20 سے زائد بولی دہندگان نے حصہ لیا۔ جن میں سے ٹھیکیدار معین خان 10 کروڑ 99 لاکھ روپے میں نیلامی حاصل کرنے میں کامیاب رہے۔
حکام کے مطابق بھاٹہ چوک میں قائم مویشی منڈی میں بڑے جانور کی داخلہ فیس 3000 اور چھوٹے جانور کی داخلہ فیس 2000 روپے رکھی گئی ہے۔
محکمہ موسمیات نے عیدالاضحیٰ کی تاریخ کا اعلان کردیا
کینٹ بورڈ حکام کا کہنا ہے کہ ابھی تک انتظامات مکمل نہ ہونے کی وجہ سے مویشی منڈی فعال نہیں ہوئی، لیکن عیدالاضحٰی سے 10 روز قبل مویشی منڈی مین جانوروں کی خرید و فروخت شروع ہو جائے گی۔
