شہر قائد میں سورج ایک بار پھر آنکھ دکھانے لگ گیا ہے۔ کراچی میں شدید گرمی کی لہر کے باعث شہری ٹھنڈے مشروبات کا استعمال کرنے لگے۔

شہر میں زیادہ سےزیادہ درجہ حرارت 39 سے 41 ڈگری سینٹی گریڈ تک جاسکتا ہے، جبکہ آج شہرکاکم سے کم درجہ حرارت 29.5 ڈگری سینٹی گریڈ تک ریکارڈ کیا گیا ہے۔

محکمہ موسمیات کے مطابق موجودہ درجہ حرارت 34 ڈگری سینٹی گریڈ ہے، تاہم شہر میں گرمی کی شدت41 ڈگری سینٹی گریڈ تک محسوس کی جارہی ہے۔

جنوب مغرب سمت سے18کلو میٹر فی گھنٹےکی رفتارسے ہوائیں چل رہی ہیں۔ محکمہ موسمیات کا کہنا ہے کہ ہوامیں نمی کا تناسب 57 فیصد ہے۔

جبکہ پیش گوئی کرتے ہوئے محکمہ موسمیات کا کہنا ہے کہ یکم جون تک کراچی میں ہیٹ ویوو رہنے کا امکان ہے۔